मुख्यमन्त्री नितिश कुमारले दिए पदबाट राजीनामा

एजेन्सी । बिहारको मुख्यमन्त्री नितिश कुमारले पदबाट राजीनामा दिएका छन् । मुख्यमन्त्री कुमारले राज्यपाल फागु चौहानलाई भेटेर राजीनामा दिएका हुन् ।

राज्यपाललाई भेटेपछि मुख्यमन्त्री कुमारले पत्रकारहरूलाई आफूले राजीनामा दिएको जानकारी दिए । पार्टीका सबै विधायक र सांसदहरू एनडीएबाट अलग हुन चाहेको समेत उनले बताए ।

गठबन्धनमा संलग्न बीजेपीसँग मतभेदका बीच जनता दल-यूले मंगलबार विधायक र सांसदहरूको बैठक बोलाएको थियो । ख्यमन्त्री कुमारले भने, ‘लोकसभाका सांसद र सबै विधायकहरूसँग बैठक बसेका थियौँ । सबैको चाहना थियो कि हामीले एनडीए छोड्नुपर्छ। हामीले स्वीकार गरेका छौं । त्यसपछि हामी यहाँ आएर एनडीए सरकारको मुख्यमन्त्री पदबाट राजीनामा बुझाएका छौँ ।’