काठमाडौं । ललितपुर-३ का प्रतिनिधिसभा सदस्य उम्मेदवार डा. तोसिमा काकीको उम्मेदवारी कायमविरुद्ध निर्वाचन आयोग सर्वोच्च अदालत जाने भएको । सर्वोच्चले डा. कार्कीको उम्मेदवारी तत्काल खारेज नगर्न अन्तरिम आदेश दिएपछि आयोग आदेश खारेज गर्न माग गर्दै (भ्याकेट) सर्वोच्च जाने भएको हो ।
गत मंगलबार न्यायाधीश कुमार चुडालको एकल इजलासले मंगलवार अन्तरिम आदेश जारी गरेको थियो । उक्द आदेश आदेश खारेजीको विरुद्ध निर्वाचन आयोग शुक्रबार अदालत जान लागेको आयोग स्रोतले जनाएको छ ।
लाभको पदमा रहेको भन्दै निर्वाचन आयोगले राष्ट्रिय स्वतन्त्र पार्टीका उम्मेदवार डा. कार्काीको उम्मेदवारी खारेज गरिदिएको थियो । उनले मेडिकल काउन्सिलको सदस्य पदबाट राजीनामा नदिएको भन्दै आयोगले अयोग्य भएको ठहर गरेको थियो ।
निर्वाचन कानुनमा लाभको पदमा रहेको व्यक्ति उम्मेदवार बन्न नसक्ने व्यवस्था गरिएको छ ।
नियमित तलब नपाइने भएपनि बैठकमा समयमा भत्ता पाइने भएकाले त्यसलाई निर्वाचन आयोगले लाभको पद भन्दै उनकोे उम्मेदवारी खारेज गरिदिएको थियो ।
तर, मेडिकल काउन्सिलको सदस्य पद लाभको पद नभएको भन्दै आयोगको निर्णयविरुद्ध कार्की सर्वोच्च पुगेका थिए ।
