मकवानपुर । मकवानपुर निर्वाचन क्षेत्र नं १ प्रदेशसभा (२) मा नेकपा एमालेका एकलाल श्रेष्ठ विजयी भएका छन् ।
नेकपा एमाले मकवानपुरका अध्यक्षसमेत रहेका उनले १४ हजार दुई सय २५ मत प्राप्त गरे । उनका निकटतम प्रतिद्वन्द्वी नेपाली कांग्रेसका आनन्दराम पराजुलीले १३ हजार तीन सय ५४ मत प्राप्त गरेका मुख्य निर्वाचन अधिकृतको कार्यालय मकवानपुरले जनाएको छ ।
यस्तै राप्रपाका गुञ्जनबहादुर न्यौपानेले १२ हजार पाँच सय ७७ मत प्राप्त गरे । मकवानपुर प्रतिनिधिसभा निर्वाचन क्षेत्र नम्बर २ को प्रदेशसभा (२) बाट नेपाली कांग्रेसका इन्द्रबहादुर बानियाँ विजयी भए ।
निकटतम प्रतिद्वन्दी नेकपा एमालेका लालबहादुर थापालाई एक हजार सात सय ८२ मत अन्तरले पराजित गर्दै बानियाँ प्रदेशसभा सदस्यमा निर्वाचित भए ।
दोस्रो कार्यकालका लागि निर्वाचित भएका बानियाँले खसेको कूल मत ४० हजार पाँच सय ९९ मध्ये १८ हजार सात सय १७ मत प्राप्त गर्दा उहाँका निकटतम प्रतिद्वन्दी थापाले १६ हजार नौ सय ३५ मत प्राप्त गरे ।
यस्तै राष्ट्रिय प्रजातन्त्र पार्टीका बद्रीबहादुर खड्काले दुई हजार एक सय १९ मत प्राप्त गरे ।
