विराटनगर । विराट गोल्डकप फुटबल प्रतियोगितामा साविक विजेता एपिएफ क्लब विजयी भएको छ । विराटनगरको सहिद रङ्गशालामा हिजो राति भएको खेलमा एपिएफले भुटानको ड्रुक लुयल फुटबल क्लबलाई २–१ गोलअन्तरले पराजित गरी सेमिफाइनलमा प्रवेश गरेको छ ।
निर्धारित समयसम्म एक–एक गोलको बराबरीमा रहेको खेलमा एपिएफले दोस्रो हाफको अतिरिक्त समयमा पेनाल्टीमार्फत गोली गरी २–१ को अग्रता बनाउँदै विजयी भएको हो ।
खेलमा निर्णायक गोल गरेका बेडुम प्लेयर अफ दि म्याच हुँदै नगद ११ हजार पुरस्कार प्राप्त गरेका छन् । प्रतियोगिताको विजेताले २० लाख १५ हजार प्राप्त गर्ने छन् भने उपविजेता टिमले १० लाख २५ हजार नगद राशि प्राप्त गर्ने छ ।
