काठमाडौं । नेपाली कांग्रेस बागमती प्रदेशको पहिलो सम्मेलन हुँदैछ । सम्मेलन आज (शनिबार) बिहान साढे ८ बजे काठमाडौंमा सुरू हुनेछ ।
उक्त सम्मेलनको उद्घाटन सभापति शेरबहादुर देउवाले गर्ने कांग्रेस बागमती प्रदेशले जनाएको छ ।
कांग्रेसको विधानबमोजिम ७८२ प्रदेश सम्मेलन प्रतिनिधि, बागमती प्रदेशभित्रका कांग्रेस सांसद, क्षेत्रीय सभापतिको सहभागिता रहने बागमती प्रदेश सभापति इन्द्रबहादुर बानियाँले जानकारी दिए ।
उनका अनुसार सम्मेलनमा राजनीतिक, सांगठनिक र आर्थिक प्रतिवेदन पेस गरिनेछ ।