काठमाडौं । आरती साहको मृत्य प्रकरणमा प्रहरीले उनका श्रीमान् मोतिबावुलाई पक्राउ गरेको छ ।
उनलाई जनकपुरबाट पक्राउ गरिएको धनुषाका एसपी मित्रबन्धु शर्माले जानकारी दिए ।
मोतीबाबुलाई पक्राउ गरेर पुनः थुनामा पठाउन सर्वोच्च अदालतले आदेश गरेको थियो ।
गत मंसिर २० मा सर्वोच्च अदालतका न्यायाधीश नहकुल सुवेदी र तिलप्रसाद श्रेष्ठले सो आदेश गरेका हुन् ।
सर्वोच्चको आदेश कार्यान्वयनका लागि उनलाई पक्राउ गरिएको एसपी शर्माले जानकारी दिए ।
२०८० जेठ ७ मा जनकपुर उप–महानगरपालिका–९ थापा चोकमा रहेको आफ्नै घरमा आरती मृत फेला परेकी थिइन् ।
