Logo
Logo

जसपा नेपालको पदाधिकारीमा होला त सहमति ?


1.8k
Shares

काठमाडौं । जनता समाजवादी पार्टी (जसपा) नेपालको जनकपुरमा जारी महाधिवेशनमा पदाधिकारीमा सहमतिको प्रयास भइरहेको छ ।

अध्यक्षमा उपेन्द्र यादव निर्विरोध भइसकेपनि सहअध्यक्ष, महासचिव, सहमहासचिव र सचिवलगायतका पदहरूमा पनि सहमति कायम गर्ने प्रयास भइरहेको हो ।

राजेन्द्र श्रेष्ठले जसपा विभाजन गरेर हिँडेपछि रिक्त रहेको सहअध्यक्षका लागि तीन जनाले उम्मेदवारी दिएका छन् । सहअध्यक्षमा रकम चेम्जोङ, राजकिशोर यादव र लालबाबु राउतले उम्मेदवारी दिएका छन् ।

आज बिहान साढे ९ बजेसम्म उम्मेदवारी फिर्ता लिने समय तोकिएको छ । उक्त अवधिमा उम्मेदवारी फिर्ता गराएर सहमति कायम गर्ने प्रयास भएको हो ।

चुनाव गर्नुपर्ने स्थिति आए आजै दिउँसो १२ बजेदेखि ३ बजेसम्म निर्वाचनको समय तोकिएको छ । पार्टीको सहअध्यक्षका लागि तीन जनाले उम्मेदवारी दिएका छन् । ५ जना उपाध्यक्षका लागि २३ जना मैदानमा उत्रिएका छन् ।

प्रतिक्रिया दिनुहोस्