काठमाडौं । काठमाडौँ महानगरपालिका–२२ का वडाध्यक्ष चिनीकाजी महर्जनले न्युरोडको सडकबाटै वडा कार्यालयको काम गर्न थालेका छन् ।
महानगरपालिकाले फुटपाथ विस्तार गर्न सडक खन्न थालेपछि त्यसको विरोधमा उत्रिएका वडाध्यक्ष महर्जनले सडकमै पाल टाँगेर, टेबुलकुर्सी राखेर वडा कार्यालयको कामकाज सुरु गरेका हुन् ।
महानगरले फुटपाथ विस्तारको निर्णय फिर्ता नलिएसम्म सडकमै बसेर काम गर्ने वडाध्यक्ष महर्जनको भनाई छ ।
त्यसतै, आइतबार सडक विस्तारको कामका लागि पुगेको महानगरको डोजर फर्किएको छ ।
डोजर फर्किएपनि फुटपाथ विस्तारको काम रोक्ने निर्णय नभएसम्म आफूहरूको आन्दोलन कायम रहने स्थानीय र प्रतिनिधिहरूले बताएका छन् । मेयर बालेन शाहले तनाशाही प्रवृत्ति देखाएको उनीहरुको आरोप छ ।
