सोलुखुम्बुको थामेखोलामा आएको बाढी (तस्बिरहरू)

काठमाडौं । सोलुखुम्बुको पासाङल्हामु गाउँपालिका वडा- ५ मा पर्ने थामेखोलामा आएको बाढीमा फसेका ७ जनाको उद्धार गरिएको छ ।

नेपाली सेनाले बाढीमा फसेका ७ जनाको उद्धार गरेको सोलुखुम्बुका प्रमुख जिल्ला अधिकारी देवी पाण्डे खत्रीले जानकारी दिए । बाँकी मानवीय क्षतिबारे विवरण आउन बाँकी रहेको उनले बताए ।

थामे गाउँमा पसेको थामेखोलाको बाढीले १२ घरसहित स्कुल र क्लिनिकमा क्षति पुगेको छ । दोलखा र सोलुखुम्बुको सिमाना भई बग्ने थामे खोलाको सिरदेखि नै एक्कासी पानीको बहाव बढ्दा थामे १२ घर (होटलसहित) बगाएको घिमिरेले बताए । उनका अनुसार स्थानीय एक जना बाढीमा बेपत्ता भएका छन् ।

तस्बिरहरु : नेपाल प्रहरी