काठमाडौं । सवारी दुर्घटनामा परेर हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको मृत्यु भएको छ ।
सोमबार दिउँसो सुर्खेतबाट नेपालगन्ज आउँदै गरेको फोर्स गाडी भेरीगंगा नगरपालिका–५ मा दुर्घटना हुँदा गम्भीर घाइते भएका कार्कीको उपचारका क्रममा गएराति नेपालगन्ज मेडिकल कलेज भेरी अस्पतालमा मृत्यु भएको हो ।
दुर्घटनामा अन्य २३ जना घाइते भएका जिल्ला प्रहरी कार्यालय सुर्खेतका डीएसपी वीरेन्द्र विश्वकर्माले जानकारी दिए । ३९ वर्षीय कार्की माओवादी केन्द्रको तर्फबाट हुम्लाको सर्केगाड गाउँपालिकामा उपाध्यक्ष निर्वाचत भएका थिए ।
उपाध्यक्ष कार्की कर्णाली प्रदेशसभा सदस्य जुम्कीत लामाका पति हुन् । दुर्घटनामा घाइते भएका अन्य २३ जनाको स्थानीय अस्पतालमा उपचार भइरहेको प्रहरीले जनाएको छ ।
