काठमाडौं । नेकपा एकीकृत समाजवादीको उपदाधिकारीका लागि भएको निर्वाचनको मतपरिणाम आएको छ । अन्तिम परिणामअनुसार अध्यक्ष माधव नेपाल निकट मानिएका तीनजना उपाध्यक्ष विजयी भएका छन् ।
चौथो उपाध्यक्षमा भानुभक्त जोशी विजयी भएका छन् । उपाध्यक्षमा नेपाल पक्षका डा. गंगालाल तुलाधर १८९, जगन्नाथ खतिवडा १५१, प्रकाश ज्वाला १४५ र भानुभक्त जोशी १५६ मतले विजयी भएका छन् ।
जोशीबाहेक अरुलाई मत दिन नेपाल निकट नेताहरुले ‘चिट’ नै बाँडेका थिए । महिला उपाध्यक्षमा पनि नेपालको ‘चिट’ लिस्टमा रहेकी जयन्ती राई विजयी भएकी छन् ।
