Logo

प्रदेश-१ मा कोरोना जोखिम : संक्रमितको संख्या ११० पुग्यो


Published On : 9 May, 2020

काठमाडौं, २७ बैशाख । उदयपुरमा शनिबार थप एक जनामा कोरोना संक्रमण पुष्टि भएको छ । उदयपुरको भुल्केकी एक महिलामा कोरोना पोजेटिभ पुष्टि भएको प्रदेश नम्बर १ को मुख्यमन्त्री कार्यालयले जनाएको छ ।
योसँगै प्रदेश १ मा कोरोना पोजेटिभको संख्या ३५ पुगेको छ भने निको हुनेको संख्या १४ रहेको छ । शनिबार नै प्रदेश नम्बर १ मा ३ जनामा कोरोना पुष्टि भएका थिए । उदयपुरकै उनीहरु १८, ४५ र ६५ वर्षीया महिला रहेका थिए ।
यस्तै कपिलबस्तुमा ३ जना र पर्सामा एक जनामा पनि आजै कोरोना संक्रमण पुष्टि भएको थियो । पछिल्लो विवरणअनुसार उदयपुरमा थप एक जनामा कोरोना संक्रमण पुष्टि भएसँगै नेपालभर संक्रमितको संख्या ११० पुगेको छ । हालसम्म देशभर कोरोना निको हुनेको संख्या ३१ जना रहेको छ ।

प्रतिक्रिया दिनुहोस्