काठमाडौं । चितवनको मुग्लिन–नारायणगढ सडकखण्डस्थित सिमलताल भन्ने ठाउँबाट त्रिशूली नदीमा खसेको ट्रक दुर्घटना शंकास्पद देखिएको प्रहरीले जनाएको छ ।
जिल्ला प्रहरी कार्यालय चितवनका सूचना अधिकारी एवम् डीएसपी भेषराज रिजालका अनुसार आज बिहान ना ६ ख ६२८३ नम्बरको ट्रक त्रिशूली नदी किनारमा खसेको भेटिएको थियो । ना.६ ख ६२८३ नम्बरको ट्रक भैरहवाबाट सूर्यमुखी तेल बोकेर ललितपुर आउँदै थियो । ट्रकमा २२ सय २५ काटुर्न तेल लोड गरिएको पाइएको प्रहरीले जनाएको छ ।
तर, प्रहरीका अनुसार ट्रकका चालक यमबहादुर घले मोबाइल अफ गरेर सम्पर्कविहीन भएका छन् । दुर्घटना शंकास्पद देखिएकोले अनुसन्धान गर्नुपर्ने प्रहरील् जनाएको छ । चालक र सहचालकको खोजी भइरहेको प्रहरीले जनाएको छ ।
