सुनसरी । सप्तकोशी नदीमा यात्रुवहाक बस खसेको छ । जिल्ला प्रहरी कार्यालय सुनसरीका प्रमुख विपिन रेग्मीका अनुसार पूर्व-पश्चिम राजमार्गअन्तर्गत कोशी ब्यारेजको पुलको सप्तरी तर्फको क्षेत्रबाट को १ ख ४६०१ नम्बरको बस बिहीबार खसेको हो ।
रेग्मीका अनुसार बसमा रहेका सबै २० जना यात्रुको उद्धार गरिएको छ । उनका अनुसार विराटनगरबाट उदयपुरको गाइघाटतर्फ जाँदै गरेको को २ ख ४६०१ नम्बरको बस कोशी ब्यारेज पुलकाे ३५ नम्बर ढोकाबाट नदीमा खसेको थियाे ।
बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । चालक इलाका प्रहरी कार्यालय भारदहको नियन्त्रणमा रहेको छ ।
