फलामको गेटले किच्दा झापामा दुई वर्षीय बालकको मृत्यु

काठमाडौं । झापाको अर्जुजनधारा नगरपालिका–२ मा फलामको गेटले किच्दा एक बालकको मृत्यु भएको छ । मामाघरमा गएका वेला बिहीबार अपराह्न गेट पल्टिँदा घाइते भएका दुई वर्षीय शिवयम मस्कराको मृत्यु भएको हो ।

टाउकोमा गम्भीर चोट लागेका उनलाई तत्काल विर्तामोडस्थित बीएण्डसी अस्पताल लगिएको थियो । तर, उपचारका क्रममा बिहीबार साँझ सवा ६ बजे उनको मृत्यु भएको जिल्ला प्रहरी कार्यालय झापाले जनाएको छ ।