काठमाडौं । राष्ट्रिय प्रजातन्त्र पार्टी (राप्रपा)का महामन्त्री धवलशमशेर राणा अदालतमा उपस्थित भएका छन् । उनी आज बिहान काठमाडौँ जिल्ला अदालतमा उपस्थित भएका हुन् ।
उनले आजै न्यायाधीश शिवप्रसाद खनालको इजलासमा बयान दिने अदालतका सूचना अधिकारी दीपककुमार श्रेष्ठले जानकारी दिए ।
तीनकुनेमा गत चैत १५ गते भएको राजावादी प्रदर्शन उग्र बनेपछि राणा पक्राउ परेका थिए । तर, उपचार प्रयोजनार्थ हाजीरी जमानीमा रिहा भएका उनी प्रहरीको सम्पर्क बाहिर थिए ।
राणाविरुद्ध राज्य विरुद्धको कसुरसहित ४ वटा मुद्दामा अभियोजन गरिएको छ । उनलाई राज्य विरुद्धको कसुर, आपराधिक उपद्रव, सङ्गठित अपराध र एकीकृत कसुरमा सजाय हुन मागदाबी लिइएको छ ।
