काठमाडौं । नेपाली कांग्रेसका नेता डा. शेखर कोइराला समूहमा आबद्ध नेताहरूको बैठक जारी छ । बैठक बिहान ८ बजेदेखि कोइरालाको सम्पर्क कार्यालय विशालनगरमा बसिरहेको हो ।
कांग्रेस केन्द्रीय अनुशासन समितिले कोइराला समूहका केही नेतालाई कारबाही गरेपछि छलफलका लागि कोइरालाले आज बैठक राखेका हुन् ।
२०७९ सालमा भएको निर्वाचनमा पार्टीका आधिकारिक उम्मेदवारलाई असहयोग गरेको भन्दै पार्टीले केही नेताहरुलाई कारबाही गरेको थियो ।
