काठमाडौं । सरकारले प्रमुख नेताहरूको राहदानी रोक्का गर्ने सम्बन्धमा अध्ययन सुरु गरेको छ । सरकारका प्रवक्ता तथा सञ्चारमन्त्री जगदीश खरेलले बिहीबार सञ्चारकर्मीहरूसँगको कुराकानीमा यो विषयमा अनुसन्धान भइरहेको जानकारी दिए।
‘भ्रष्टाचार, अनियमितता वा कुनै पनि अपराधमा संलग्न व्यक्तिहरू, चाहे तिनीहरू ठुला होउन् वा साना, राज्यका निकायहरूले अनुसन्धान गरिरहेका छन्। राहदानी रोक्कासम्बन्धी विषयमा पनि कसरी अघि बढ्ने भन्ने बारेमा अध्ययन र अनुसन्धान जारी छ,’ मन्त्री खरेलले भने।
