काठमाडौं । रौतहटमा गुडिरहेको यात्रुबाहक बसमा आगलागी भएको छ । आज बिहान पूर्वपश्चिम लोकमार्गको चन्द्रपुर नगरपालिका ४ स्थित जंगलमा गुडिरहेको बसमा आगलागी भएको हो ।
काठमाडौंबाट चन्द्रपुरतर्फ जाँदै गरेको बागमती प्रदेश–२–०३–००१ ख ५५५५ नम्बरको बसको ब्याट्रीको तार सर्ट भएर आगो लागेको प्रारम्भिक अनुसन्धानबाट बुझिएको प्रहरीले जानकरी दिएको छ ।
स्थानीयवासी, प्रहरी र बारुण यन्त्रको सहयोगमा आगो करिब सवा ८ बजे आगो नियन्त्रणमा लिइएको थियो । यात्रुहरुले भागेर ज्यान जोगाए भने दुर्घटनामा कुनै मानवीय क्षति नभएको प्रहरीले जनाएको छ । तर, बस भने पूर्णरूपमा क्षतिग्रस्त भएको छ ।
