फागुन ६ गते रवि र बालेनले धनगढीलाई सम्बोधन गर्ने

काठमाडौं । राष्ट्रिय स्वतन्त्र पार्टी (रास्वपा) ले फागुन धनगढीमा आमसभा आयोजना गर्ने भएको छ । रास्वपाले फागुन ६ गते धनगढीस्थित महोत्सव मैदानमा बृहत आमसभा गर्न लागेको हो ।

उक्त सभालाई पार्टी सभापति रवि लामिछाने र वरिष्ठ नेता बालेंद्र शाह (बालेन)ले संयुक्त रूपमा सम्बोधन गर्ने तय भएको छ । यसअघि दुवै नेताले माघ ५ गते जनकपुरमा एकसाथ सम्बोधन गरेका थिए ।

वरिष्ठ नेता शाह कोशी प्रदेशका पहाडी जिल्लासहित सुदूरपश्चिमका विभिन्न क्षेत्रमा पुगिसकेका छन् भने हाल उनी मधेस प्रदेश केन्द्रित कार्यक्रमहरूमा संलग्न छन् । त्यस्तै सभापति लामिछाने पनि चितवन, नवलपरासी हुदै हाल पोखरा पुगेका छन् ।