काठमाडौं । प्रमुख प्रतिपक्ष दल नेपाली काँग्रेसकी सांसद रेणुका काउचाले सत्तारुढ राष्ट्रिय स्वतन्त्र पार्टी (रास्वपा)ले ३५ हजार भन्दा बढी बालबालिकालाई पार्टीमा परिचालित गरेको विषयले आफूलाई निकै गम्भीर र आश्चर्य चकित बनाएको बताएकी छन् ।
सांसद काउचाले नेपालको संविधान, कानुनले समेत बर्जित गरेको अवस्थामा उक्त पार्टीमा ठूलो सङ्ख्यामा बालबालिकाहरू रहेको उल्लेख गर्दै उनीहरूले निर्वाचित गरेका पदाधिकारी तथा सदस्यको बैधानिकतमाथि समेत प्रश्न उठेको समेत बताइन् ।
आईतवार प्रतिनिधि सभा बैठकमा बोल्दै सांसद काउँचाले बालबालिकाहरूलाई पार्टीको झोला नबोकाउने भन्दै स्ववियु लगायतका सङ्घ, संस्थाहरू खारेज गर्ने सत्तारुढ दल रास्वपाले संविधान विपरीत बालबालिकालाई पार्टीमा प्रयोग गरेकाले त्यस विषयमा कारबाही गर्नु पछ कि पर्दैन रु भनि सरकारलाई प्रश्न समेत गरिन् ।
उनले भनिनन् ,‘प्रधानमन्त्रीको पदको गरिमा, अभिव्यक्तिको जिम्मेवारी र त्यसबाट कूटनीतिक रूपमा पर्ने प्रभावबारे सदैव सचेत हुनु पर्दछ । साथै सम्माननीय सभामुख महोदय । सत्तारुढ राष्ट्रिय स्वतन्त्र पार्टीको पहिलो महाधिवेशन सम्पन्न भएकोमा हार्दिक बधाई दिन चाहन्छु । तर एउटा तथ्याङ्कले भने निकैगम्भिर र आश्चर्य चकित बनाएको छ सभामुख महोदय । रास्वपाको सदस्यता लिनेहरुको फेहरिस्त हेर्दा त १८ ।वर्ष मुनिका पनि ३५ हजार २५७ जना हुनुहुँदो रहेछ । औपचारिक रूपमा नै घोषणा गरिएको यो सवालप्रति नेपाली काँग्रेसका ध्यान तानिएको जानकारी गराउन चाहन्छु । नेपालको संविधान र राजनीतिक दलसम्बन्धि ऐन, २०७३ अनुसार १८ वर्ष मुनिका बालबालिकालाई राजनीतिक दलको सदस्य बनाउन पाइँदैन । यस्तो कार्य गरेमा ८० हजार जरिवाना र ३ वर्षसम्म कैदको व्यवस्था गरिएको छ । के सत्तारुढ दलको हकमा संविधान र यो ऐनको व्यवस्था नहुने हो र सभामुख महोदय । कि रास्वपा संविधान भन्दा माथि छ र उसले संविधान पालना नगरेपनि हुने हो रु त्यसमाथि बालबालिका सम्बन्धी ऐन २०७५ कुनै पनि बालबालिकालाई राजनीतिक उद्देश्य पूर्तिका लागि प्रयोग गर्न नपाइने प्रावधान रहेको छ । तर रास्वपाले यिनै बालबालिकाहरूको प्रयोग गरेर पदाधिकारी तथा सदस्यहरूको वैधानिकतामाथि प्रश्न उठ्ने अवस्था देखियो । मैले यो विषयमा संविधान र कानुनको व्यवस्था यहाँ स्मरण गराएको हुँ । विद्यार्थीहरुले राजनीति गर्नु हुँदैन भनेर स्ववियू लगायतका सङ्घ, सङ्गठन खारेज गर्न लागेको सरकारले आफ्नो पार्टीमा भने बालबालिकार्लाइ सदस्यको लाममा उभ्याउन मिल्छ कि मिल्दैन रु कलिला बालबालिकालाई पार्टीको झोला बोकाउन मिल्छ कि मिल्दैन । यो विषयमा म रास्वपाको ध्यानाकर्षण गराउँदै कानुनको पालना गर्नुपर्छ कि पर्दैन भन्ने ध्यानाकर्षण गराउन चाहन्छु ।’
सांसद काउचाले रास्वपा संविधान र कानुनभन्दा माथि नभएकाले उसले पनि त्यसको पूर्ण पालना गरेर अघि बढ्नुपर्ने बताइन् ।
