काठमाडौं । सरकारले १०० दिनका उपलब्धिहरू सार्वजनिक गर्न लागेको छ । चैत १३ मा गठन भएको सरकारले त्यसै दिन १०० बुँदे कार्यसूची सार्वजनिक गरेको थियो ।
उक्त सूचीअनुसार विभागीय मन्त्रालयहरूलाई कामको प्राथमिकतासहित जिम्मेवारी तोकिएको थियो । उक्त सूचीमा सुशासन र जनताको सुविधालाई केन्द्रमा राखिएको थियो । कार्यसूचीका लक्ष्यहरू कति भेट्न सरकार सफल भयो भनेर सरकारका प्रवक्ता एवं शिक्षा तथा खेलकुदमन्त्री सस्मित पोखरेलले पत्रकार सम्मेलन गरी उपलब्धि सार्वजनिक गर्न लागेका हुन् ।
सरकारका प्रवक्ताको उपस्थितिमा हुने पत्रकार सम्मेलनमा मुख्य सचिवसहित सचिवहरू पनि रहने छन् ।
