Logo
Logo

पदमा फर्किन जेन्सन हुआङ तयार, एनभिडिया बोर्डले भन्यो– कुनै मनसाय छैन


0
Shares

एजेन्सी । विश्व प्रसिद्ध प्रविधि कम्पनी एनभिडियाका पूर्वप्रमुख कार्यकारी अधिकृत (सीईओ) जेन्सन हुआङ पुनः आफ्नो पदमा फर्किन तयार देखिएका छन्। राजीनामा दिएपछि मङ्गलबार पहिलो पटक सामाजिक सञ्जाल ‘एक्स’ मार्फत बयान जारी गर्दै उनले यस्तो बताएका हुन्।

गत साता एक चिनियाँ महिला जासूससँगको प्रेम सम्बन्ध (अफेयर) को खबर सार्वजनिक भएपछि हुआङले सीईओ पदबाट राजीनामा दिएका थिए।

आफ्नो एक्स पोस्टमा हुआङले लेखेका छन्, ‘यदि बोर्डले मेरो फिर्ती सेयरधनी, कर्मचारी, कम्पनी र अमेरिकाको हितमा छ भन्ने निर्णय गर्छ भने म ती अपिलहरूको जवाफ दिन र सीईओको रूपमा फर्किन पाउँदा सम्मानित महसुस गर्नेछु।’

यद्यपि, एनभिडियाका अध्यक्षले भने जेन्सन हुआङलाई पुनः सीईओ बनाउने बोर्डको कुनै मनसाय नरहेको स्पष्ट पारिसकेका छन्।

अमेरिकी संसदीय समितिसमक्ष उपस्थित हुने

एनभिडियाका चिप्स चीन पठाएको र अमेरिकी नियमहरूको उल्लङ्घन गरेको विषयमा कम्पनीमाथि हाल छानबिन चलिरहेको छ। अमेरिकी संसदका प्रमुख समितिहरूले मङ्गलबार जनाएअनुसार जेन्सन हुआङ उक्त अनुसन्धानमा आफ्नो पक्ष राख्न सहमत भएका छन्।

उनी आगामी डिसेम्बर १ मा संसदीय समितिहरूसमक्ष उपस्थित हुनेछन्। त्यसको भोलिपल्ट अर्थात् डिसेम्बर २ मा कम्पनीका जनरल काउन्सेल टिम टेटरसँग सोधपुछ गरिने कार्यक्रम रहेको छ।

यसैबीच, एनभिडियाले नियमहरूको निगरानी गर्न बोर्डको एक नयाँ समिति गठन गरेको छ। उक्त समितिले कम्पनीले राष्ट्रिय सुरक्षा र अन्य देशहरूलाई चिप्स बिक्री गर्ने सम्बन्धी अमेरिकी नियमहरूको पालना गरिरहेको छ वा छैन भनी अनुगमन गर्नेछ।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000