एजेन्सी । भारतविरुद्धको तेस्रो टेस्टमा पाहुना टिम इङल्याण्डले खराब शुरुवात गरेको छ ।
भारतकाे अहमदावादस्थित विश्वकै ठुलो स्टेडियममा आजदेखि शुरु भएको पहिलो टेस्टको पहिलो इनिंगमा इङल्याण्ड १ सय १२ रन मात्र बनाएर अलआउट भएको हो ।
भारतमा पहिलो पटक भएको यस डे–नाइट टेस्टमा इङल्याण्डको पुरै टिम केबल ४८ दलशमलव ४ ओभर खेलेर अलआउट भएको हो ।
इङल्याण्डका लागि ओपनर जाक क्रवलीले सर्बाधिक ५३ रन बनाए भने कप्तान जो रुटले १७, बेन फोक्सले १२ र जोफ्रा आर्चरले ११ रन बाहेक अन्य ब्याट्सम्यानले दोहोरो अंकमा रन बनाउन सकेनन् ।
इङल्याण्डलाई सस्तैमा आउट गर्नेक्रममा अक्सर पटेलले ६ विकेट लिएका थिए । अक्सरले इङल्याण्डविरुद्धको यस अघिको आफ्नो डेभ्यु टेस्टमा पनि ५ विकेट हलसहित ७ विकेट लिएका थिए ।
त्यस्तै भारतका लागि आर आश्विनले ३ विकेट लिए भने आफ्नो सयौं टेस्ट खेलिरहेका इशान्त शर्माले एक विकेट लिएका छन् ।