हेलिकोप्टर दुर्घटनाले पर्यटन मन्त्री रवीन्द्र अधिकारी सहित ७ जनाको दुखद निधन भएको छ । मन्त्री रवीन्द्र अधिकारी लगायत सबै प्रति हार्दिक श्रद्धान्जली । उहाँहरुका परिवार प्रति हार्दिक समवेदना ।
अब उहाँहरुको सम्झना मात्र वाँकि रहेको छ ।
रवीन्द्र अधिकारीजी संग नाम मिलेको कारणले हामी एक अर्कालाइ मितज्यू भनेर वोलाउने गर्दथ्यौं । अब वोलाउन नपाउने भयौं । उहाँ संगका भेटघाटहरु सबै सम्झनाका रुपमा मात्रै रहने भए ।
मित्र वीरेन्द्र श्रेष्ठ संग एउटै कलेजमा पढेको सम्झना ताजै छ । तर उहाँ संग कलेजमा पढेको वेलाका समयहरु केवल सम्झना मात्रै रहने भयो ।
अत्यन्त दुखद दुर्घटना भएको छ । यस घटनाको जाँचवुझको लागि सरकारले समिति पनि वनाएको छ । नेपाली आकासमा हवाई दुर्घटनाहरु धेरै भैसकेका छन् । सरकारले छानवीन समिति वनाएर प्रतिवेदन वुझ्ने गर्दै आएको पनि छ । तर प्रतिवेदनमा दिइएका सुझावहरुको कार्यान्वयनमा सबै सरकारहरुले उदासिनता देखाउने गरेको आरोप पनि लाग्दै आएको छ ।
यसपटक त्यस्तो नहोस् भन्ने कामना गरौं । के कस्तो कारणले यस्ता दुर्घटना हुने गरेकोछ र कसरी त्यसको निवारण रोकथाम वचाउ गर्न सकिन्छ भन्ने विषयमा सरकारले गम्भीरतासाथ निर्णय लेओस् भन्ने कामना गरौं ।
रवीन्द्र श्रेष्ठ
