त्रिकोणात्मक सिरिजको उपाधि नेपालले जित्यो « Drishti News – Nepalese News Portal
Logo

त्रिकोणात्मक सिरिजको उपाधि नेपालले जित्यो


दृष्टि संवाददाता


काठमाडौं । त्रिकोणात्मक टि–२० आई सिरिजको उपाधि नेपालले जितेको छ ।

शनिबार कीर्तिपुरस्थित त्रिवि क्रिकेट मैदानमा भएको खेलमा नेदरल्याण्ड्सलाई १ सय ४२ रनको विशाल अन्तरले पराजित गर्दै नेपालले उपाधि जितेको हो ।

नेपालले दिएको २३९ रनको लक्ष्य पछ्याएको नेदरल्याण्ड्सले १७.२ ओभरमा पुरै विकेट गुमाएर ९६ रन मात्रै जोड्यो । नेपालका लागि करण केसीले ३, सन्दीप लामिछाने र कमल ऐरीले २–२ विकेट लिए । अविनाश बोहोरोले अन्तिम १ विकेट लिए ।

नेदरल्याण्ड्सका लागि सेबास्टियन ब्राटले सर्वाधिक २६ रन बनाए भने म्याक्स वडागडले २० रन जोडे । पिटर सीलार १३ रनमा समेटिए। अन्य ब्याट्समेनले दोहोरो अंकमा रन जोड्न सकेनन् ।

त्यसअघि नेपालले कुशल भुर्तेल र कुशल मल्लको उत्कृष्ट व्याटिङमा २३८ रनको स्कोर खडा गरेको थियो। नेपालले पुरै ओभर खेल्दै ३ विकेट गुमाएर यो स्कोर खडा गरेको हो। नेपालका लागि भुर्तेलले सर्वाधिक ७७ रनको अर्धसतकीय पारी खेले। उनले ५३ बलमा ८ चौका र ३ छक्का प्रहार गरे।

त्यस्तै कुशल मल्लाले २४ बलमा २ चौका र ५ छक्काको मद्दतमा अभिजित ५० रन जोडे। दीपेन्द्र सिंह ऐरी अभिजित ४८ रनको योगदान दिन सफल भए। उनले १८ बलको सामना गर्दा ५ चौका र ३ छक्का प्रहार गरे।

त्यस्तै कप्ता ज्ञानेन्द्र मल्लले १९ बलमा ३३ रन जोड्दा आसिफ शेखले ८ बलमा १६ रन बनाए।

प्रतिक्रिया दिनुहोस्