काठमाडौं । नेकपा एमालेभित्रको विवाद समाधान गर्न गठित कार्यदलको बैठक शुरु भएको छ । कार्यदल बनेको दुई दिनपछि पहिलोपटक बैठक बसेको हो ।
अहिले बैठक प्रधानमन्त्री तथा मन्त्रिपरिषद्को कार्यालय सिंहदरबारमा जारी छ । दिउँसो ३ बजे बस्ने भनिएको बैठक नेताहरूको कार्यव्यवस्ताले ढिलागरी शुरु भएको हो ।
बैठका ओली पक्षबाट सुवास नेम्वाङ, प्रदीप ज्ञवाली र विष्णु रिमाल सहभागि छन् । कार्यदलका दुई सदस्य विष्णु पौडेल र शंकर पोखरेल भने अनुपस्थित छन्।
त्यस्तै माधव नेपाल पक्षबाट भीम रावल, सुरेन्द्र पाण्डे, घनश्याम भुसाल, गोकर्ण विष्ट र रघु पन्त रहेका छन् । ओली पक्षको नेतृत्व सुवास नेम्वाङ र माधव पक्षको नेतृत्व भीम रावलले गरेका छन् ।
अध्यक्ष केपी शर्मा ओली र वरिष्ठ नेता माधवकुमार नेपालबीच आइतबार सिंहदरबारमा भएको वार्तापछि कार्यदल बनाइएको थियो । कार्यदलमा दुवै पक्षका पाँचपाँच जना नेता रहेका छन् ।
