Logo
Logo

आज पनि ‘अन्तिम सहमति’मा पुग्न सकेन एमाले कार्यदल


दृष्टि संवाददाता

7.1k
Shares

काठमाडौं । नेकपा एमालेको एकताका लागि गठित कार्यदल आज पनि ‘अन्तिम सहमति’मा पुग्न सकेन । यद्यपि भोलिसम्म सहमतिमा पुर्‍याउने प्रयास हुने नेताहरुले बताउका छन् ।

यसअघि शुक्रबार झण्डै ८ घण्टा भएको छलफलपछि नेताहरूले कार्यदलमा सहमति भएको र शनिबार अन्तिम रुप दिने बताएका थिए । तर, शनिबार पनि कार्यदल सहमति सार्वजनिक गर्ने तहमा पुग्न सकेन ।

कार्यदल सदस्य गोकर्ण विष्टले भने अब आइतबार सहमति हुने दाबी गरे । बैठकपछि सञ्चारकर्मीहरूसँग कुरा गर्दै उनले आइतबार एकताको सन्देश दिने जिकिर गरे । शनिबार सिंहदरबारमा बसेको बैठकमा मिल्न बाँकी विषयमा छलफल भएको थियो ।

उनले भने, ‘अन्तिम अन्तिम अवस्थामा आइपुगेका छौं। अब हामीसँग छलफलका त्यति धेरै विषय छैनन् । लगभग हामी समस्यालाई समग्रतामै समाधान खोज्ने विन्दुमा आइपुगेका छौं, औपचारिकता दिलाउने काम मात्र बाँकी छ। त्यो भोलि हुन्छ।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000