Logo
Logo
सर्वोच्च बारकाे निष्कर्ष

ओलीकाे अभिव्यक्तिले न्यायपालिकामाथि आँच पुग्यो


दृष्टि संवाददाता

4.3k
Shares

काठमाडाैं । सर्वोच्च अदालत बार एशोसिएशनले संसद विघटनसम्बन्धी सर्वोच्च अदालतको फैसलालाई लिएर एमालेका ओली पक्षका नेताले दिएकाे अभिव्यक्तिप्रति आपत्ति जनाएकाे छ ।

सर्वोच्च बारका सचिव ऋषिराम घिमिरेले बिहीबार एक विज्ञप्ति जारी गर्दै पूर्व प्रधानमन्त्री केपी शर्मा ओली र उनका समर्थकका अभिव्यक्तिबाट स्वतन्त्र न्यायपालिकामाथि गम्भीर रुपमा आँच पुगेको बताएका हुन् ।

प्रधानन्यायाधीको पुत्ला दहन गर्ने र पदीय मर्यादामाथि गम्भीर आक्षेप लगाइ गाली गलौज गर्ने, भ्रम सिर्जना गर्ने, अफवाह फैलाउने लगायतका क्रियाकलापप्रति गम्भीर ध्यानाकर्षण भएको समेत विज्ञप्तिमा भनिएकाे छ ।

‘पूर्व प्रधानमन्त्री केपी शर्मा ओली तथा उहाँका कार्यकर्ताद्वारा अदालतको आदेशका विरुद्ध भ्रम तथा अफवाह फैलाउने उद्देश्यले अभिव्यक्त गरिएका ‘जहानियाँ राणा शासन शैली, प्रधानमन्त्री तोक्ने विश्वमा नभएको जात्रा, संविधान र जनतामाथि अतिक्रमण, अदालतद्वारा च्यातिएको/भत्किएको संविधान लिकमा नआएसम्म आन्दोलन कायम रहने’ लगायतका अन्य अति अशोभनीय आक्रामक शैलीप्रति यो बार क्षोभ प्रकट गर्दछ,’ विज्ञप्तिमा भनिएको छ। 

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000