गण्डकीको मामिला समिति सभापतिमा खिमबिक्रम « Drishti News – Nepalese News Portal
Logo

गण्डकीको मामिला समिति सभापतिमा खिमबिक्रम


दृष्टि संवाददाता


पोखरा । राष्ट्रिय जनमोर्चाका सांसद कृष्ण थापा पदमुक्त भएपछि रिक्त रहेको गण्डकी प्रदेश सभाको प्रदेश मामिला समिति सभापतिमा खिमबिक्रम शाही निर्वाचित भएका छन् । समितिमा आज (मंगलबार) भएको निर्वाचनमा सर्वसम्मत रुपमा शाही सभापतिमा चयन भएका हुन् ।

१३ सदस्यीय समितिमा ६ जना सदस्य रहेको एमालेका उम्मेदवार इन्द्रधारा विष्टले शाहीलाई नै समर्थन गर्दै उम्मेदवारी फिर्ता लिएकी थिइन् । समितिमा अल्पमतमा रहेको प्रतिपक्षी दल एमालेले सार्वजनिक लेखा समिति सभापति पाउने भएपछि विष्टले उम्मेदवारी फिर्ता लिएका हुन् ।

शाहीलाई मंगलबारै सभामुख नेत्रनाथ अधिकारीले पद तथा गोपनीयताको शपथ गराएका छन् र शाहीले कार्यभार पनि सम्हालेका छन् ।

प्रदेशमा चार वटा संसदीय समिति छन्। प्रदेश मामिला समितिको सभापतिमा शाही, विधायन समितिमा एमालेका मोहनप्रसाद रेग्मी, सार्वजनिक लेखा समितिमा कांग्रेसका कुमार खड्का र अर्थ तथा विकास समितिमा माओवादीका दीपक कोइराला छन्।

प्रतिक्रिया दिनुहोस्