नेपाल एयरलायन्सको जहाज थप खोप लिन चीन जाँदै « Drishti News – Nepalese News Portal
Logo

नेपाल एयरलायन्सको जहाज थप खोप लिन चीन जाँदै


दृष्टि संवाददाता


काठमाडौं । खरिद प्रक्रियाअन्तर्गतको थप खोप लिन नेपाल वायु सेवा निगमको जहाज आज चीन जाँदैछ ।

स्वास्थ्य सेवा विभाग आपूर्ति महाशाखाका अनुसार दोस्रो चरणमा पनि ८ लाख डोज नै खोप ल्याइनेछ । जहाजको क्षमता र नेपालमा खोप कार्यक्रम सञ्चालन गर्ने क्षमता अनुसार पुन ८ लाख खोप लिन लागेको आपूर्ति महाशाखाका प्रशासन प्रमुख उपेन्द्र ढुंगानाले बताए।

यही साताभित्रै थप ८ लाख डोज लिन जहाज चीन जाने महाशाखाको भनाइ छ । दुईपटक गरी यही साताभित्र थप १६ लाख खोप नेपाल आइपुग्ने प्रमुख ढुंगानाको भनाइ छ । चीनबाट आएका खोपहरू अहिले अभियान सञ्चालन हुन नसकेको प्रदेशहरू प्रदेश एक, सुदूरपश्चिम प्रदेश र कर्णालीमा पठाइनेछ ।

यसअघि खोप अभियान सञ्चालन हुन नसकेको प्रदेशमा पठाउने र अर्को चरणमा आएको खोप पुनः प्राथमिकताको आधारमा खोप अभियान सञ्चालन हुने परिवार कल्याण महाशाखा खोप शाखाका प्रमुख डा. झलक शर्माले बताए ।

प्रतिक्रिया दिनुहोस्