Logo
Logo

महाकाली घटनाबारे जुनसुकै कदम चाल्न सरकार तयार छ : गृहमन्त्री


दृष्टि संवाददाता

630
Shares

काठमाडाैं । गृहमन्त्री बालकृष्ण खाँणले जयसिंह धामी बेपत्ता भएको घटनाबारे छानबिन समितिबाट प्राप्त प्रतिवेदनमार्फत सत्यतथ्य सार्वजनिक गर्ने बताएका छन् । मंगलबार प्रतिनिधि सभाको बैठकमा सांसद्हरुले उठाएका क्रममा जवाफ दिने क्रममा सत्यतथ्य पत्ता लगाएर सार्वजनिक गर्ने बताका हुन् ।

उनले छानविन समितिको निष्कर्षलाई दृढताका साथ अघि बढाउने भन्दै नागरिकको जीवन रक्षा गर्नु सरकारको मूल कर्तव्य भएको बताए । उनले भने, ‘नेपाल सरकारले जे तथ्य हो, त्यही नै सार्वजनिक गर्ने छ। र त्यो तथ्यका लागि नेपाल सरकारले पूर्ण अडान लिनेछ। जुनसुकै कदम चाल्न पनि नेपाल सरकार तयार छ भन्ने पनि म प्रतिबद्धता व्यक्त गर्नेछु ।’

उनले सरकारले बनाएको छानबिन समितिले घटनास्थलमै पुगेरै छानबिन गर्ने बताए । साथै, तुइन तर्न सफल भएका, बाँकी रहेका र त्यहाँका आम नागरिकसँग पनि बुझ्ने र सत्यतथ्य संकलन गरेरै प्रतिवेदन बनाइने बताए ।

उनले नागरिकको जीवन रक्षाको लागि सरकार गम्भीर रहेको पनि बताए । उनले भने, ‘नागरिकहरुको जीवन रक्षा गर्नु राज्यको मूल दायित्व हो । नागरिकको जीवन रक्षाका लागि नै राज्य बनेको हो। राष्ट्र बनेको हो। सरकार बनेको हो। त्यसकारण नागरिकको जीवन रक्षामा गम्भीर छौं ।’

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000