Logo
Logo

नबिल बचत खातामा घातक रोग बीमा निरन्तरता, ६२ करोड ९४ लाख दाबी भुक्तानी


693
Shares

काठमाडौं । नबिल बैंकले नबिल बचत खातामा घातक रोग बीमा कार्यक्रमलाई निरन्तरता दिएको छ ।

पछिल्लो चार वर्षदेखि यास्तो बीमा सुविधा दिँदै आएको बैंकले पाँचौं वर्षमा पनि निरन्तरता दिने निर्णय गरेको हो । यो बीमा अन्तर्गत ३३८ जना ग्राहकहरूको ६२ करोड ९४ लाख रुपैंया दाबी भुक्तानी भएको छ ।

हरेक बचत खातामा घातक रोगको बीमा तथा आवधिक जीवन बीमा सुविधा योजना अन्तर्गत बीमा गरेका मध्ये ३३८ जनाको दाबी भुक्तानी भएको बैंकले जनाएको छ ।

चार वर्ष अगाडि सुरू गरेको घातक रोगमा ३ लाख र आवधिक जीवन बीमाको लागि ७५ हजार गरी ३ लाख ७५ हजार रुपैयाँको बीमा हरेक खातावालाका लागि गरिँदै आएको बैंकले जनाएको छ ।

बैंकका अनुसार आफ्ना खातावालाको हित तथा घातक रोग लाग्दा आर्थिक भरथेग गर्ने उद्देश्यले यस्तो सुविधा दिँदै आएको हो । यस योजनाले आफ्ना ग्राहकहरूलाई ठूलो राहत मिलेको भन्दै आगामी दिनहरूमा यसलाई निरन्तरता दिने बैंकले बताएको छ ।

मेट लाइफ इन्स्योरेन्ससँगको सहकार्यमा सुरू गरेको यस योजना अन्तर्गत बैंकले पछिल्लो चार वर्षमा १६ करोड ७ लाख रुपैयाँ रकम बराबरको प्रिमियम भुक्तानी गरेको बैंकले जनाएको छ ।

मुद्दतीबाहेक सबै प्रकारको बचत खातामा घातक रोग तथा अवधिक जीवन बीमा सुविधा रहको जनाइएको छ।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000