इस्लामाबाद, ८ असोज (एजेन्सी) । पाकिस्तान र भारतको सीमाक्षेत्रमा काश्मिरमा मंगलबार साँझ गएको शक्तिशाली भूकम्पमा परी २५ जनाको मृत्यु भएको छ भने सयौँ घाइते भएका छन् । ५ दशमलब ८ म्याग्निच्युडको शक्तिशाली भूकम्पबाट एक सयभन्दा बढी भवन क्षतिग्रस्त भएको जनाइएको छ ।
भूकम्पको धक्काले सडक भासिएपछि त्यसमा परी दर्जनौँ सवारीमा क्षति भएको पाकिस्तानबाट सञ्चालित डनन्युजले उल्लेख गरेको छ । डनन्युजका अनुसार अहिलेसम्म भूकम्पबाट घाइते हुनेको संख्या ४ सय नाघेको छ । अहिले पनि सेना र प्रहरीले उद्दार कार्य जारी राखेका छन् ।
