काठमाडौं । आज (शुक्रवार)बाट प्रदर्शनमा आएको नायिका रेखा थापाको फिल्म उपहारले दर्शकको उल्लेख्य साथ पाएको छ ।
उत्कृष्ठ टेलर र रेखाको लामो समयपछि आएकै कारण पनि फिल्मले पहिलो दिनमै उल्लेख्य माया र दर्शकको साथ पाएको हो ।
काठमाडौंका अधिकांश जसो हल हाउसफुल रहेको निर्माण पक्षले बताएको छ । काठमाडौमा अष्टनारायण, लबिम मल, बीग मुभिजमा चलचित्र प्रदर्शन भइरहेको छ । काठमाडौं बाहिर चितवन, पोखरा, बुटवल, दमक, विर्तामोड, धरान, इटहरीमा पनि दर्शकको उपस्थिति आक्रामक देखिएको निर्देशक ज्ञानेन्द्र देउजाले जानकारी बताए ।
‘आर्थिक मन्दिका बाबजुद पनि दर्शकहरु चलचित्र हेर्न आउनु सुःखद् कुरा हो, निर्देशक देउजा भन्छन्, ‘चलचित्रलाई दर्शकले मन पराउनुभएको छ, हामी सम्पूर्ण चलचित्र टिम खुसी छौं ।’ फिल्मका कार्यकारी निर्माता बलराम शाही ठकुरीले दर्शकको साथप्रति कृतज्ञ रहेको बताए । उनले धेरै समयपछि दर्शकलाई राम्रो चलचत्रि दिन सफल भएको महसुस भएको बताए ।
यो चलचित्रले समसामयिक विषयवस्तुलाई निकै नै रमाइलो तरिकाले उठाएको छ । फिल्मको पहिलो हाफमा कमेडी भरपूर छ । दोस्रो हाफमा भने गम्भीरतालाई केन्द्रमा राखिएको छ । ज्ञानेन्द्र देउजाको निर्देशनमा तयार भएको चलचित्र ‘उपहार’मा रेखा थापा, पूजा शर्मा, बेनिशा हमाल, मुकुन भुसाल, तेज गिरी, समर्पण जंग कार्की, शिशिर राणा, सुष्मा कार्की लगायतका कलाकारको अभिनय छ ।
