![](https://www.drishtinews.com/wp-content/uploads/2021/01/Bijuli-Batti.jpg)
पर्सा । गएराति आएको हावाहुरीले विजुलीको पोल ढाल्दा वीरगञ्ज र आसपास क्षेत्रमा विद्युत् आपूर्ति बन्द भएको छ । गर्मी याममा बिजुली नहुँदा १० घन्टादेखि यहाँको जनजीवन प्रभावित भएको छ ।
बिहीबार एक बजेतिरको हुरीले ढालेका पोल उठाउन युद्धस्तरमा काम भइरहेको नेपाल विद्युत् प्राधिकरण वीरगञ्ज वितरण केन्द्रका प्रमुख अवधेशकुमार दुबेले बताए ।
उनले आज अपराह्नसम्ममा बिजुली आपूर्ति हुने जानकारी दिए । वीरगञ्ज र आसपासका क्षेत्रमा ५६ हजार बिजुलीका ग्राहक छन् । अहिले यहाँ वर्षा भइरहेको छ ।