काठमाडौं । तनहुँमा मोटरसाइकल दुर्घटना हुँदा २२ वर्षीय एक युवकको मृत्यु भएको छ ।
पृथ्वीराजमार्गमा पर्ने बन्दीपुर गाउँपालिका –५ मा आज बिहान मोटरसाईकल दुर्घटना हुँदा महोत्तरीको जलेश्वर नगरपालिका घर भई हाल तनहुँको व्यास नगरपालिका –२ दमौली बस्ने २२ वर्षीय सुमित साहको मृत्यु भएको हो ।
उनी व्यास नगरपालिका –१ भादगाउँ दमौलीस्थित आदिकवि भानुभक्त क्याम्पसमा बीबीएस तेस्रो वर्षमा अध्ययरत थिए ।
तीव्रगतिको मोटरसाईकल अनियन्त्रित भई नालामा खस्दा उनको घटनास्थलमै मृत्यु भएको जिल्ला प्रहरी कार्यालय तनहुँका प्रहरी निरीक्षक विकास पासवानले जानकारी दिए ।
मोटरसाइकल सडकबाट १५ मिटर तल खसेर मृत्यु भएको अवस्थामा साहको शव फेला पारिएको पासवानले बताए । घटनाबारेमा थप अनुसन्धान भइरहेको प्रहरीले जनाएको छ ।
