सिरियाका १५ वटा नौसैनिक जहाजमाथि इजरायलको आक्रमण

एजेन्सी । इजरायलले सिरियाका नौसैनिक जहाजमाथि आक्रमण गरेको छ । सोमबार राति अल–बायदा र लताकिया बन्दरगाहमा रहेका १५ वटा नौसैनिक जहाजमाथि आक्रमण गरेको हो । सिरियाली सैन्य तागतलाई कमजोर बनाउन उक्त आक्रमण गरिएको इजरायली सेनाले जनाएको छ ।

सामाजिक सञ्जालमा सार्वजनिक भिडिओमा जहाज र बन्दरगाहका केही भागमा ठूलो क्षति देखिएको छ । बशर अल–असद अपदस्थ भएपछि इजरायलले सिरियामा ३१० भन्दा बढी स्थानमा हमला गरेको हो ।