काठमाडौं । भारतको नागरिक उड्डयन महानिर्देशनालय (डीजीसीए) ले इन्डिगो एयरलाइन्सको एक विमान खराब मौसमका कारण एयर टर्ब्युलेन्समा फसेको जनाएको छ । शुक्रवार जारी विज्ञप्तिअनुसार मे २१ मा दिल्ली–श्रीनगर उडान (उडान नम्बर ६ई–२१४२) पठानकोट नजिकै खराब मौसममा फसेको थियो ।
डीजीसीएका अनुसार, चालक दलले लाहोरको हवाई क्षेत्र प्रयोग गर्न अनुमति मागे पनि पाकिस्तानले अस्वीकार गरेको थियो । तैपनि, चालक दलले सबै प्रोटोकल पालना गरी विमानलाई श्रीनगरमा सुरक्षित अवतरण गराएको छ । विमानमा सवार २२७ यात्रु कुनै पनि घाइते नभएको डीजीसीएले जनाएको छ । यद्यपि विमानको अगाडिको भागमा सामान्य क्षति भएको छ ।
डीजीसीएले घटनाको अनुसन्धान भइरहेको जनाएको छ । यो घटनाले खराब मौसममा उडान सुरक्षाको महत्त्व र क्षेत्रीय हवाई समन्वयको आवश्यकतामाथि प्रश्न उठाएको छ ।
