काठमाडौं । सुक्खा पहिरो खसेर अवरुद्ध भएको हेटौंडा-काठमाडौं जोड्ने छोटो दुरीको सडक सञ्चालनमा आएको छ ।
मकवानपुरको इन्द्रसरोबर गाउँपालिका-४ महालक्ष्मी खोला नजिकै माथिबाट सुक्खा पहिरो खस्दा आइतबार दिउँसो ४ बजेदेखि भीमफेदी-कुलेखानी-फाखेल-काठमाडौं सडक पूर्ण रूपमा अवरुद्ध भएको थियो ।
पहिरो पन्छाएपछि अहिले साँझदेखि सडक सञ्चालनमा आएको मकवानपुरका प्रहरी नायव उपरीक्षक श्यामु अर्यालले जानकारी दिए ।
