काठमाडौं । इलाममा दुर्लभ कालो चितुवा फेला परेको छ । यो दुर्लभ प्रजातिको हो । तर, यकिन भइसकेको छैन । सूर्योदय नगरपालिका-२, बागबिरेका टंक काफ्लेको बाख्राको गोठभित्र कालो चितुवा फेला परेको हो ।
राति नै आएर खोरमा रहेका बाख्राका दुई माउ र एउटा पाठी खाएपछि गोठमै बसेको चितुवा स्थानीयले देखेर प्रहरीलाई खबर गरेका थिए ।
डिभिजन वन कार्यालयका अनुसार बिहान फेला परेको चितुवाको उद्धारका लागि कोशीटप्पु वन्यजन्तु आरक्षबाट विज्ञको टोली खटाइएको छ ।
इलामका सूर्योदय, माइजोगमाई र सन्दकपुर गाउँपालिकामा वन्यजन्तुले लामो समयदेखि घरपालुवा जनावर खाइरहेपछि स्थानीय पीडित छन् । वन्यजन्तु गाउँ पसेपछि मानिसलाई आक्रमण गर्ने त्रास पनि उतिकै बढेको छ ।
