काठमाडौं । बाराको इलाका प्रहरी कार्यालय सिमराले लागुऔषध गाँजासहित एक जनालाई नियन्त्रणमा लिएको छ ।
आज बिहान जितपुर सिमरा उपमहा नगरपालिका १ पूर्वटोलमा विआर ०५ एम ७७१८ नम्बरको भारतीय मोटरसाइकललाई चेकजाँच गर्नेक्रममा लागुऔषध गाँजा फेला परेको हो ।
चेकजाँचका क्रममा उक्त मोटरसाइकलको ट्याङ्की मुनी फल्स बटम बनाई लुकाइ–छिपाई ल्याइएको करिब ५ किलो गाँजासहित चालक २० वर्षीय मुना यादवलाई नियन्त्रणमा लिइएको बारा प्रहरी प्रमुख एसपी सन्तोष कुमार तामाङले जानकारी दिए ।
पक्राउ परेका युवकमाथि आवश्यक कारबाही तथा थप अनुसन्धान भइरहेको बारा प्रहरीले जनाएको छ ।
