जनकपुरधाम । सर्वोच्च अदालतको परमादेशपछि २४ घण्टाभित्र विश्वासको मत नलिएका मधेश प्रदेशका मुख्यमन्त्री सरोजकुमार यादवले आज पत्रकार सम्मेलन आयोजना गर्दै छन् ।
मुख्यमन्त्रीको सरकारी आवासमा साँझ ५:३० बजे पत्रकार सम्मेलन राखिएको छ।
विश्वासको मत लिने वा राजीनामा दिने विषयमा आज दिनभर यादवले पार्टीभित्र र कानुनविदहरूसँग छलफल गरेका थिए। राति ८ बजे सर्वोच्च अदालतको परमादेश इमेलमार्फत प्रदेश सभा मुख्यमन्त्री कार्यालयमा आइपुगेको छ ।
आजै राति ८ बजे २४ घण्टाको समयसीमा समाप्त हुने छ । यदि उनले विश्वासको मत नलिए र राजीनामा पनि गरेनन् भने, उक्त समयमा उनी पदमुक्त हुने छन्।
