काठमाडौं । नेपाल उद्योग परिसंघले सर्वोत्कृष्ट करदाताहरूलाई सम्मान गरेको छ । राष्ट्रिय कर दिवस २०८२ को अवसरमा नेपाल सरकारबाट सम्मानित उच्च करदाताहरूलाई परिसंघले सम्मान गरेको हो ।
सरकारले राष्ट्रिय कर दिवसको अवसरमा कुल १६ जना (संस्था तथा व्यक्ति) लाई उच्च करदाताको रूपमा सम्मान गरेको थियो । सोही उच्च करदाताहरूलाई निजी क्षेत्रकोतर्फबाट परिसंघले सम्मान गरेको हो । वस्तु व्यापारको कारोबार गर्ने मध्येबाट सबै भन्दा बढी आयकर दाखिला गर्ने भाटभटेनी सुपर मार्केट एण्ड डिपार्टमेण्टल स्टोर प्रा.लि. सम्मान गरेको हो ।
राष्ट्रिय कर दिवस २०८२ को अवसरमा बस्तु निर्यातको कारोबार गर्ने मध्येबाट सबै भन्दा बढी आयकर दाखिला गर्ने डावर नेपाल प्रा.लि., विशेष उद्योगहरू मध्ये सबै भन्दा बढी आयकर दाखिला गर्ने युनिलिभर नेपाल लिमिटेड, पर्यटन व्यवसाय मध्येबाट सबै भन्दा बढी आयकर दाखिला गर्ने सोल्टी होटेल लिमिटेड, वस्तु व्यापारको कारोबार गर्ने मध्येबाट सबै भन्दा बढी आयकर दाखिला गर्ने भाटभटेनी सुपर मार्केट एण्ड डिपार्टमेण्टल स्टोर प्रा.लि., उर्जामुलक उद्योग मध्येबाट सबै भन्दा बढी आयकर दाखिला गर्ने भोटेकोशी पावर कम्पनी प्रा.लिलाई परिसंघले सम्मान गरेको छ ।
यस्तै कृषि एवम् पशुपंक्षीजन्य उद्योगहरू मध्येबाट सबै भन्दा बढी आयकर दाखिला गर्ने पोषक ब्रिडर फार्म प्रा.लि., सुचना प्रविधि सम्बन्धि सेवा निर्यातको कारोबार गर्ने मध्येबाट सबै भन्दा बढी आयकर दाखिला गर्ने भेरिस्क नेपाल प्रा.लि., एकलौटी फर्महरु मध्येबाट सबै भन्दा बढी आयकर दाखिला गर्ने थर्ड आई इन्टरनेशनल, बैंक बितिय संस्था र बिमाको कारोबार गर्ने मध्येबाट सबै भन्दा बढी आयकर दाखिला गर्ने नेपाल इन्भेष्टमेन्ट मेगा बैंक लि।, स्वास्थ्य तथा शैक्षिक संस्थाहरु मध्येबाट सबै भन्दा बढी आयकर दाखिला गर्ने नोवेल मेडिकल कलेज टिचिङ हस्पिटल परिसंघबाट सम्मानित भएका छन् ।
यसैगरी रेमिटेन्स तथा मनि ट्रान्सफरको कारोबार गर्ने मध्येबाट सबै भन्दा बढी आयकर दाखिला गर्ने आईएमई लिमिटेड, निकायहरु मध्येबाट सबैभन्दा बढी आयकर दाखिला गर्ने नेपाल दूरसञ्चार प्राधिकरण, वार्षिक कारोबार रकम रु. ५० करोडभन्दा बढी रु. १०० करोडसम्म कारोबार गर्ने कारदाताहरु मध्येबाट सबै भन्दा बढी आयकर दाखिला गर्ने सि.डि.एस.एण्ड क्लियरिङ लि., बार्षिक कारोबार रकम रु ५० करोड सम्म कारोबार गर्ने करदाताहरू मध्ये सबै भन्दा बढी आयकर दाखिला गर्ने भि।एफ। सर्भिसेज (मोरिसस) प्रा.लि., वि.स.२०७६ श्रावण देखि २०८२ असार मसान्त सम्मको कर अवधिमा मुल्य अभिबृद्धि कर विवरण र सो अवधिको कर समयमै दाखिला गरी नियमित कर सहभागिता जनाएका करदाता मध्ये सबै भन्दा बढी मुल्य अभिबृद्धि कर दाखिला गर्ने नेपाल दूरसञ्चार कम्पनी लिमिटेड र व्यक्तिगत करदाता मध्येबाट सबै भन्दा बढी आयकर दाखिला गर्ने जावलाखेल गु्रप अफ इन्डष्ट्रिजका प्रबन्ध निर्देशक राज बहादुर शाहलाई परिसंघले सम्मान गरेको हो । शाह परिसंघका उपाध्यक्ष समेत हुन् ।
आज मङ्गलवार सीएनआई सचिवालयमा आयोजित सम्मान कार्यक्रममा परिसंघका अध्यक्ष वीरेन्द्रराज पाण्डेले सर्वोत्कृष्ट करदाताहरूलाई सम्मान गरे । सो अवसरमा उनले सर्वोत्कृष्ट करदाता हुनु व्यक्तिगत एवं संस्थागत उपलब्धि मात्रै नभएर राज्यप्रति महत्त्वपूर्ण योगदान समेत भएको बताए । उच्च करदाताको रूपमा राज्यलाई गरेको योगदानको कदर गर्दै परिसंघले पनि सम्मान गरेको उनले बताए ।
उच्च करदाता सम्मान कार्यक्रममा परिसंघका उपाध्यक्षहरू राज बहादुर शाह, हेम राज ढकाल, अमित मोर, गभर्निङ्ग काउन्सिल सदस्य विजय शाह, राजश्व समिति सभापति गोपाल कुमार अग्रवाल, महानिर्देशक डा. घनश्याम ओझालगायत सहभागी थिए ।
