काठमाडौं । नेपाली कांग्रेसको १५औँ महाधिवेशन आजदेखि काठमाडौंमा सुरु हुँदैछ । पाँच दिनसम्म चल्ने महाधिवेशनमा नेपाली कांग्रेसका नेता डा. शेखर कोइराला भने सहभागी नहुने भएका छन् । उनी पार्टी मिलाउने भन्दै लामो समयदेखि मझधारमा उभिँदै आएका छन् ।
केही समयदेखि नेता कोइरालाले आफू दुवै महाधिवेशनमा सहभागी नहुने र पार्टी एकताका लागि अभियान गर्ने बताइरहेका छन् । उनीसहित उनीनिकटका नेताहरू पार्टी एकताका पक्षमा उभिएका छन् ।
कोइरालाले नेता९कार्यकर्ताहरू स्वविवेकका आधारमा आफैँ निर्णय गर्न भनेका छन् । उद्घाटन आज दिउँसो २ बजे हुने महाधिवेशन असोज २२ गतेसम्म चल्नेछ ।
