काठमाडौं । नेपाली कांग्रेसको महामन्त्री पदमा कडा प्रतिस्पर्धा हुने देखिएको छ । काँग्रेसले महामन्त्रीमा एक महिलासहित तीन जना रहने व्यवस्था गरेपछि प्रतिस्पर्धा हुने देखिएको हो । महामन्त्रीमा दुई खुला र एक महिला कोटा निर्धारण गरिएको छ ।
महिला महामन्त्रीका लागि महालक्ष्मी उपाध्याय डिना र डा. डिला संग्रौलाले दाबी गरेका छन् । खुला महामन्त्रीका लागि वर्तमान महामन्त्री प्रदीप पौडेल र गुरुराज घिमिरेसहित उदयशमशेर राणा, मधु आचार्य, नैनसिंह महर, सुनील शर्मा, शङ्कर तिवारी र अमर पुनले प्रतिस्पर्धा गर्ने घोषणा गरेका छन् ।
काँग्रेस महाधिवेशन अन्तर्गत आज उम्मेदवारको मनोनयन दर्ता हुँदैछ भने बिहीबार निर्वाचन हुने कार्यतालिका रहेको छ ।
