काठमाडौं । सुनसरीको इनरुवा नगरपालिका–५ बलाहास्थित भित्री सडकखण्डमा तीन सवारीसाधन ठोक्किँदा एक बालिकाको मृत्यु भएको छ ।
मोटरसाइकल, स्कुटर र साइकल एक–आपसमा ठोक्किँदा सात वर्षीया बालिकाको मृत्यु भएको प्रहरीले जनाएको छ । दुर्घटनामा पाँचजना घाइते भएका छन् ।
बुधबार साँझ पूर्वबाट पश्चिमतर्फ जाँदै गरेको को १५ प २२५७ नम्बरको मोटरसाइकल र विपरीत दिशाबाट आउँदै गरेको प्र.१–०२–०५५ प १२९८ नम्बरको स्कुटर तथा सोही दिशाबाट आउँदै गरेको साइकल एक–आपसमा ठोक्किँदा दुर्घटना भएको प्रहरीले जनाएको छ ।
दुर्घटनामा स्कुटर चालक, मोटरसाइकलमा सवार तीनजना र साइकलयात्रीसहित ६ जना घाइते भएका थिए । घाइतेमध्ये स्कुटरमा पछाडि सवार सुनसरीको इनरुवा नगरपालिका–९ बस्ने रिदिमा सरदारको मृत्यु भएको हाे ।
Appharu.com