Logo
Logo

एनपीएल: लुम्बिनीको कसिलो बलिङमा सुदूरपश्चिमको ब्याटिङ ध्वस्त !


0
Shares

काठमाडौं । एनपीएलको तेस्रो सिजनअन्तर्गत पहिलो क्वालिफायरमा लुम्बिनी लायन्सविरुद्ध सुदूरपश्चिम रोयल्सले निकै खराब सुरुवात गरेको छ। टस हारेर पहिले ब्याटिङमा उत्रिएको सुदूरपश्चिमले पावरप्लेको ६ ओभरमा ३ विकेट गुमाउँदै मात्र २० रन जोडेको छ।

सुदूरपश्चिमका सुरुवाती ब्याटर क्रिजमा टिक्न सकेनन् । पहिलो बलमै ओपनर जर्ज मुन्से आउट भए । लुम्बिनीका रुबेन ट्रम्पेलमनले उनलाई गोल्डेन डकमा पभेलियन फर्काए । त्यस्तै, अर्का ओपनर विनोद भण्डारी पनि ९ बलमा ३ रन बनाएर आउट भए । पावरप्लेमा सुदूरपश्चिमले तीन विकेट गुमाउँदा एक चौका मात्रै प्रहार गर्न सक्यो।

हाल क्रिजमा इशान पाण्डे र कप्तान दीपेन्द्र सिंह ऐरी छन् । इशानले ११ बलमा एक चौकासहित ५ रन बनाएका छन् भने दीपेन्द्रले ७ बलमा ४ रन जोड्दै उनलाई साथ दिइरहेका छन्। यी दुईबीच चौथो विकेटका लागि १७ बलमा १२ रनको साझेदारी भएको छ।

यसअघि टस जितेको लुम्बिनीले पहिले बलिङ गर्ने निर्णय गरेको थियो । लुम्बिनीका बलरहरूले सुरुदेखि नै कसिलो बलिङ गर्दै सुदूरपश्चिमको रन गति प्रतिओभर ३.३३ मा सीमित राखेका छन्।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000