काठमाडौं, ८ माघ । नेपाली राष्ट्रिय क्रिकेट टोलीका लेग स्पिनर सन्दीप लामिछानेले इन्डियन प्रिमियर लिग (आइपीएल) टिम दिल्ली क्यापिटललाई धन्यवाद दिएका छन् । आज (बिहीबार) ट्वीटरमार्फत लामिछानेले आफूलाई आइपीएलमा अवसर दिएको प्रति दिल्लीप्रति आभार प्रकट गरेका हुन् ।
उनले लेखेका छन, ‘आईपीएलले मलाई धेरै कुराहरू दिएको छ । खासगरी टिम दिल्लीले । जसले मलाई विश्वास गर्यो र अवसर दियो ।’
दिल्लीले सन्दिपलाई बुधबार तीन वर्षको अनुबन्ध सकिएपछि रिलिज गरेको थियो । उनीसहित दिल्लीले ६ जना खेलाडीलाई रिलिज गरेको छ । दुई सिजनमा खेल्न पाएका सन्दीप गत वर्षको संस्करणमा भने खेल्न पाएनन् । सन्दीले अन्त्यमो अब नयाँ बाटो प्रशस्त भएको उल्लेख गर्दै लेखेका छन्, ‘अब नयाँ यात्रा अगाडी छ । ’
