काठमाडौं । नेकपा एमाले वरिष्ठ नेता माधवकुमार नेपालसहितका नेताहरुले आज स्पष्टीकरण बुझाउने भएका छन् । अध्यक्ष केपी शर्मा ओलीले बोलाएको महाधिवेशन आयोजक कमिटीले वरिष्ठ नेता नेपाल सहित २७ संघीय सांसद र पाँच जना कर्णाली प्रदेश सांसदहरुलाई दुईदिनभित्र स्पष्टीकरण दिन भनेको थियो ।
मंगलबार नै माधव–झलनाथ समूहका सांसद, केन्द्रीय नेताहरू बसेर स्पष्टीकरण बुझाउने र अन्तिमसम्म पार्टी एकताकै निम्ति संघर्ष गर्ने निचोड निकालेका थिए ।
नेता नेपाललाई पार्टी अनुशासन विपरीत कर्णालीमा फ्लोर क्रस गर्न दुरुत्साहित गरिएको, सांसदहरू भड्काएको आरोप लगाइएको छ । नेता नेपालनिकट स्रोतले आजै स्पष्टीकरण पत्र बुझाउने तयारी गरेको जानकारी दिएको छ ।
